Ад шчырага сэрца ў дзень юбілею
 Жадаем радасці, светлай надзеі.
 Шчасця ў будні, шчасця ў святы,
 Хай добрыя весткі прыходзяць у хату,
 Хай будуць заўсёды здароўе і сіла,
 Жыццё няхай будзе доўгім, шчаслівым. 

У Быхаўскім раёне Магілёўскай вобласці ў маленькай вёсцы Заброддзе 24 студзеня 1951г. і нарадзіўся беларускі пісьменнік Міхась Пазнякоў.

Вучыўся старанна, з вялікім хваляваннем і адказнасцю.Займаўся ў разнастайных гуртках і спартыўных секцыях. Змалку любіў чытаць, кнігі захаплялі яго настолькі, што забываўся на ўсё. Першы верш ён напісаў у шостым класе, выконваючы дамашняе заданне па рускай літаратуры, і з таго часу не пакідаў пісаць.

Міхась Пазнякоў з’яўляецца Лаўрэатам літаратурных прэмій імя Петруся Броўкі, Янкі Маўра, Васіля Віткі, тройчы лаўрэат рэспубліканскай літаратурнай прэміі «Лепшая кніга года»

Яго творы – своеасаблівая паэтычная энцыклапедыя навакольнага свету. Пісьменнік апявае прыгажосць і багацце роднай прыроды; ухваляе сяброўства, дабрыню, мары, захапленні, шчырыя адносіны паміж людзьмі.Вучыць любіць і шанаваць усё жывое, непаўторнае.

Міхась Пазнякоў – аўтар многіх кніг для дзяцей. На яго вершы шмат напісана песень.

Кнігалюб
 Кніжкі кожны дзень чытаю
 І табе таксама раю
 З імі, дружа, сябраваць,
 Каб разумным, добрым стаць.
  
 Кнігі дораць радасць, веды,
 Вучаць нас адольваць беды,
 Адкрываюць тайны, цуды,
 Іх чытаць заўсёды буду.
  
 Мудрых многа кніг на свеце,
 І скажу вам па сакрэце:
 Ключык шчасця залаты
 Прыхаваны ў кнігах тых.
  
 Ну, а той, хто іх чытае,
 Гэты ключык адшукае. 

У зборніках на нашай выставе: «Святло дабрыні», «Тры чарадзеі», «У бары і на двары», «Свята ўраджаю», «Птушынае свята», «У родным краі», «Дзівосны свет», «Падарожжа ў краіну загадак», «Песня прыроды», «У заапарку», «Чёрные аисты» і іншыя.