Немагчыма ўявіць сабе родную мову без яе знакамітых песняроў, тых, хто ствараў і стварае мастацтва беларускага слова. Менавіта яны, нашы пісьменнікі і паэты, надаюць мове жыццё, напаўняюць яе сэнсам і прыгажосцю.
Да Міжнароднага дня роднай мовы, які адзначаецца 21 лютага, у бібліятэках Светлагорскай раённай сеткі прайшоў тыдзень беларускай мовы пад назвай «Пявучы гоман мовы продкаў». Гэта быў сапраўдны марафон мерапрыемстваў, прысвечаных нашай роднай мове.
17 лютага ў філіяле «Гарадская бібліятэка сямейнага чытання» адбылася квэст-гульня «Беларуская мова – цудоўная мова», прысвечаная роднай мове. Падчас мерапрыемства ўдзельнікі змаглі адчуць прыгажосць і мілагучнасць беларускага слова.
21 лютага ўвесь свет адзначае Міжнародны дзень роднай мовы. Гэта свята накіравана на заахвочванне моўнай разнастайнасці і падтрымку нацыянальнай мовы і культуры. Да гэтай даты ў філіяле «Гарадская бібліятэка №3” прайшла гутарка “О, роднае слова, ты люба і міла!”. Прысутныя акунуліся ў чароўны свет роднай беларускай мовы. Бесперапынна гучалі песні, вершы, байкі, гумарэскі, выказванні славутых беларусаў пра мову, нават невялікія казкі ў выкананні саміх чытачоў. Дзеці з задавальненнем прымалі ўдзел у гульнях “Словы-хітруны”, “10 запаведзяў аб мове В. Шведа”. У заканчэнні мерапрыемства яны з цікавасцю праглядзелі медыястужку “Смак мовы”.
У Давыдаўскай сельскай бібліятэцы адбылося мерапрыемства, на якім вучні змаглі пачуць і адчуць прыгажосць і мілагучнасць роднага слова. Бібліятэкар падкрэсліла важнасць мовы ў жыцці чалавека, асабліва роднай.
Гучалі шматлікія беларускамоўныя прыказкі, прымаўкі, загадкі, якія адлюстроўваюць старадаўнюю мудрасць і душу беларускага народа. Дзеці чыталі вершы класікаў: М. Танка, Я. Купалы, П. Панчанкі, М. Багдановіча і іншых паэтаў.
Асаблівую ўвагу бібліятэкар надала кніжным выставам «Я роднай мовай ганаруся, я з ёю плачу і смяюся» і «Ты — як песня салаўя, мова родная мая». Яны дапамаглі вучням глыбей зразумець асаблівасці беларускай мовы і яе паходжанне.
19 лютага, у межах Тыдня беларускай мовы «Пявучы гоман мовы продкаў», бібліятэкар Краснаўскай сельскай бібліятэкі правяла літаратурную гадзіну «Сэрцам роднага слова краніся» для вучняў 3-5 класаў.
Магутнае слова, ты, роднае слова!
Са мной ты на яве і ў сне,
Душу мне стрэсла пагудкаю новай,
Ты песень наўчыла мяне.
(Янка Купала)
Удзельнікі мерапрыемства змаглі паглыбіцца ў свет беларускай паэзіі, чытаючы вершы айчынных аўтараў, выконваючы цікавыя інтэлектуальныя заданні, а таксама разважаючы над глыбокім сэнсам беларускіх прыказак.
Да Міжнароднага дня роднай мовы ў сельскай бібліятэцы аграгарадка Дуброва была налажана выстава-заклік «Пачніце дзень з цікавай кнігі!».
На ёй кнігі серый “Бібліятэка пачатковай школы”, “Таямніцы беларускай мовы”.
Мудрасць змешчана ў скорагаворцы: “Хто кніжку любіць і шануе, Таму і шчасціць, і шанцуе”.
Мовазнаўчы батл «Вянок з беларускіх слоў мы створым разам» прайшоў у мясцовай школе. Спачатку патрэбна было называць любое слова. Наступны ўдзельнік павінен прыдумаць слова, якое пачынаецца з апошняй літары папярэдняга. I гэтак далей, як мага даўжэй працягваць ланцужок. Атрымалася скласці вянок больш як з 20 слоў.
зязюля – ялінка – ануча – аўтобус – сум – мара – адзенне – елка – аловак – кашаль – лаўка – агарод- дах- хлус – світанак – кішэнь – непагадзь – дзічка – аматар – рукзак – кветка — аматар – рыдлёўка – абрус – сподак – крок – кропка – абутак – крыніца – адказ – знічка – апостраф – фартух- хвароба.
Дарэчы было чытанне на памяць бібліятэкарам верша Васіля Жуковіча “Пра лянівага ката”. Лянівы кот ў вершы захацеў купіць у краме мышалоўку, каб не лавіць самому мышэй.
Сэнс верша – трэба разлічываць на сябе, а не на нейкія прыстасаванні.
Трэба ведаць родную мову і часцей размаўляць на ёй.
У Асташкавіцкай сельскай бібліятэцы арганізавана мерапрыемства гутарка-абмеркаванне “Мова продкаў знікнуць не можа!” — гэта культурна-асветніцкая бібліятэчная імпрэза, накіраваная на выхаванне роднай мовы, павагі да культурнай спадчыны і гісторыі продкаў. Падчас мерапрыемства ўдзельнікі абмяркоўвалі ролю мовы ў фармаванні нацыянальнай ідэнтычнасці, яе важнасць для сувязі пакаленняў і спосабы захавання моўнай спадчыны. Усё дружна чытаючы кнігі шукалі сэнс і правапіс розных незразумелых з першага чытання слоў і прапаноў, выкарыстоўваючы дапаможныя беларускія слоўнікі і даведнікі.
У Міхайлаўскай сельскай бібліятэцы, у рамках клуба «Весёлые ребята», адбылася пазнавальная гульня «Знайдзі пару да слова». Мерапрыемства, прымеркаванае да Міжнароднага дня роднай мовы, было накіравана на развіццё моўнай культуры. Удзельнікі падбіралі рыфмы, сінонімы, антонімы і асацыяцыі да зададзеных слоў, а таксама дэманстравалі веданне літаратуры, адгадваючы працяг вядомых казак.
24 лютага ў Вяжнаўскай сельскай бібліятэцы адбылася літаратурная гадзіна для дзяцей малодшага ўзросту пад назвай «З любоўю да роднай мовы».
Удзельнікі мерапрыемства пазнаёміліся з разнастайнасцю моў свету, а таксама з асаблівасцямі і прыгажосцю беларускай мовы. Асаблівая ўвага была нададзена вывучэнню мудрасці, якая хаваецца ў беларускіх прыказках і прымаўках. Дзеці актыўна ўдзельнічалі ў адгадванні загадак і вялі размову на роднай мове. Цікавасць выклікала абмеркаванне значэння імёнаў у перакладзе з розных моў.
На працягу тыдня ў бібліятэках былі аформлены тэматычныя выставы.
Усе гэтыя мерапрыемствы былі накіраваны на тое, каб яшчэ раз падкрэсліць важнасць роднай мовы, заахвоціць людзей да яе вывучэння і выкарыстання, а таксама нагадаць пра багацце і прыгажосць беларускага слова.